Яучы  такмаклары

Эретергә килгән мин

Ефәк баулы былбыл кош
Бардыр синең илеңдә,
Каеш баулы лачын кош
Бардыр минем илемдә.

Өер-өер айгырдан
Җайдак булып килгәнмен,
Чаптар атым чаптырып,
Чыңлап сиңа килгәнмен.
Бохардан ияр алган   мин,
Юлым сиңа ярган мин,
Каеш баулы лачыным бар,
Былбылыңа килгән мин;
Тимер булсаң, мин — күмер,
Эретергә килгән мин.

I. Р Мөхәммәтҗанов. Туй йола поэзиясе. «Татар әдәбияты мәсьәләләре», Уфа, 1972, 48 бит. Әсәрне Башкортстанның Шаран районы Күгәрчен-Бүләк авылында Нургали   Әхмәдуллиннан   Р.   Мөхәммәтҗанов   язып   алган.

«Татар халык иҗаты. Йола һәм уен җырлары», Казан, Татарстан китап нәшрияты, 1980

СССР Фәннәр академиясенең Казан филиалы Галимҗан Ибраһимов исемендәге Тел, әдәбият һәм тарих институты