Кыз елату җырлары, сыктаулар

Әй буйкаем, буйкаем...

Әй буйкаем, буйкаем,
Буйкаеңа ничек булаем?
Кайнаналар хәлен мин белмәем,
Кайнанага ничек уңаем?

Инәкәемнең өендә,
Утырган идем түрендә;
Инәкәемнән чыгып киткәч,
Йөрермен ишек төбендә.

Каралты башы чи такта,
Шыңгырдый ла тора җил чакта;
Апбирегез каләм, хат язармын,
Яфрак кебек саргайган чакта.

Әй буйкаем, буйкаем,
Үкенергә үскән буйкаем;
Кайда дәрья, канда чоңгыл —
Буйкаемны шунда атаем.

I. БДУФФ,   1975,   Башкортстанның   Бәләбәй   шәһәрендә  торучы  Сафия   Таҗиевадан    Р.    Мөхәммәтҗанов    язып    алган.

«Татар халык иҗаты. Йола һәм уен җырлары», Казан, Татарстан китап нәшрияты, 1980

СССР Фәннәр академиясенең Казан филиалы Галимҗан Ибраһимов исемендәге Тел, әдәбият һәм тарих институты