 |
| Главная
Ателье Фотографии Подготовка к свадьбе Свадьба в Казани Татарская свадьба - Туй җырлары - «Яр-яр» җырлары Tatar tuyı Татарские сайты Ссылки Мы готовы сшить вам татарское свадебное платье и платье для никаха. Принимаем заказы не только из Казани, но и из других регионов. |
«Яр-яр» җырлары Яр-яр (Беренче вариант)Җиңгәләр:
Башындадыр, яр-яр; Пигамбәрләр алланың Каршындадыр, яр-яр. Чыбылдыгың баулары Плис микән, яр-яр; Безгә төшкән кияүләр Мулла1 микән, яр-яр. Берең энҗе, берең мәрҗән, Тезелепсез, яр-яр, Берең тутый, берең былбыл, Кушылыпсыз, яр-яр; Заман ахры булганча Аерылмагыз, яр-яр. Чылтыр-чылтыр камышта Сыргам 2 төште, яр-яр; Сынамаган ятларга Сеңлем төште, яр-яр. Кара сыер мөгезен Каермагыз, яр-яр; Яхшы атаның баласын Аермагыз, яр-яр. Килер-китер юлыңа Киндер чәчтем, яр-яр; Киндер башы пешкәнче Килеп киткел, яр-яр. Кыз:
Урыным калды, яр-яр; Дүрт колаклы казанда Өлешем калды, яр-яр. Ак чүпрәккә төйгәле 4 Алтынмы идем, яр-яр; Күк чүпрәккә төйгәле Көмешме идем, яр-яр. Айлык җиргә биргәле Атыңмы идем, яр-яр; Көнлек җиргә биргәле Көңеңме 5 идем, яр-яр. Тарак теше сынганда Талгый6 торган әникәм, Тарак чаклы мин киттем, Инде тынгыл, әникәм. Инә күзе сынганда Үгелдәгән 7 әникәм, Инә чаклы мин киттем, Инде тынгыл, әникәм!
2 Сырга — алка 3 Тәкчәк — почмак. 4 Төйгәле — төйнәргә, төрергә. 5 Көң — җария, кәнизәк, 6 Талгау - тиргәү, битәрләү. 7 Үгелдәү — орышу, әрләү I М. Госманов. «Бараба татарлары фольклоры». «Совет әдәбияты» журналы 1962, 6 сан, 142 бит. Текст Новосибирск өлкәсенең Бараба районы Шагыр авылында Хәерниса Мәүлүдовадан һәм Тандау авылында Һаҗәр Тугусовадан 1961 елда М Госманов тарафыннан язып алынган.
«Татар халык иҗаты. Йола һәм уен җырлары», Казан, Татарстан китап нәшрияты, 1980 СССР Фәннәр академиясенең Казан филиалы Галимҗан Ибраһимов исемендәге Тел, әдәбият һәм тарих институты
|
