«Яр-яр» җырлары

Яр-яр (Дүртенче вариант)

Әтекәем өендә
Көмешем калды, яр-яр;
Ризкым бетми мин китәм,
Өлешем калды, яр-яр.

Бурлат чаршау, кылыч бау,
Ник корасыз, яр-яр?
Мине үз арагыздан
Ник куасыз, яр-яр?

Бурлат чаршау шәүләсе
Йөзеңә төшәр, инәкәм;
Миңа тиң кошлар күрсәң,
Исеңә төшәр, инәкәм.

Тарак тешем сындырып
Ник тарыйсыз, яр-яр?
Бәхетен тапкан былбыл дип,
Ник алдыйсыз, яр-яр?

Өч аеры чәчбауларым
Чөйдә калды, җиңгиләр;
Сөймәгәнгә биргәннәрен
Сизми калдым, җиңгиләр.

I. БДУФФ,   1970.   Башкортстанның Туймазы   районы   Арсланбәк   авылында   Гәүһәр Шәрафетдиновадан  язып  алучы Р. Мөхәммәтҗанов.

«Татар халык иҗаты. Йола һәм уен җырлары», Казан, Татарстан китап нәшрияты, 1980

СССР Фәннәр академиясенең Казан филиалы Галимҗан Ибраһимов исемендәге Тел, әдәбият һәм тарих институты