Килен төшерү җырлары, арбаулар

Берегез былбыл, берегез аккош

Сәке астында сигез мичкә
Серкәләгән балыгыз;
Әти-әни, кыз китерәм,
Каршы чыгып алыгыз.

Гүзәл кыздыр бу үзе,
Кашындин  кара  күзе;
Аят-хәдис әйткән  сүзе,
Ай кеби нурлы йөзе.

Алмалары ал булды,
Пешә-пешә бал булды;
Егете булган, кызы уңган,—
Насыйп кылгач яр булды.

Безнең турда алмагачта
Чут-чут сайрый былбыл кош;
Берегез былбыл, берегез аккош —
Сайрашыгыз җәй дә кыш.

I. ФФ, 1961, Әстерхан өлкәсенең Приволжье районы Линейное авылында Сәгыйдә Зөбәеровадан язып алучы И. Надиров. Текст уңае белән шундый аңлатла китерелә: «Бу җырларны капка алдында кияү егетләре башкарган. Йола вакытында, гадәттә, егет белән кызга киләчәк гаилә тормышларында тигезлек, татулык теләүче   куплетлар   җырланган».

«Татар халык иҗаты. Йола һәм уен җырлары», Казан, Татарстан китап нәшрияты, 1980

СССР Фәннәр академиясенең Казан филиалы Галимҗан Ибраһимов исемендәге Тел, әдәбият һәм тарих институты