Килен төшерү җырлары, арбаулар

Килен каршылау

Яшь киленне җитәкләп килендәше җырлый:

Әнә тора атасы,
Сүзендә юк хатасы;
Килен килеп төшкәндә
Рәхәттә ятасы.
Атасына бир сәлам.

Әнә тора анасы,
Сине гүргә саласы;
Килен килде дигәчтен,
Күккә тигән түбәсе.
Анасына бир сәлам.

Әнә тора каенагаң,
Мәшәкатьтә кайнаган;
Килен килеп төшкәндә
Ни бирим дип уйлаган.
Каенагаңа бир сәлам.

Әнә тора каенигәч,
Юан гына бер бикәч;
Йортка кайтмый бер киткәч,
Үзе матур, үзе яшь.
Каенигәчкә бир сәлам.

Әнә тора сеңлесе,
Ак каенның шырпысы;
Иң үткене, сырлысы,
Монда түгел тормышы.
Сеңлесенә бир сәлам.

Чәмчә итегең чәңелдәп,
Авызың, борының епелдәп,
«Әй», дип каршы әрепләп,
Усал әйтмә, киленчәк.
Буйсынып тор, киленчәк.

Килгән, киткән байныкы,
Тор тоткарлап, киленчәк.
Чүлмәк авызы ачык дип,
Май урлама, киленчәк.
Урлашма син, киленчәк.

I. ФФ, 1971, Татарстанның Шөгер районы Шөгер шәһәр поселогында яшәүче Хәлимә Мияссарова җыйган җырлардан. Бу җырны Хәлимә апага 75 яшендәге Фәйзетдинов Идрис әйткән. Ул аны яшь вакытында Казахстанда яшәүче татар гаиләсендәге   туй   вакытында   ишеткән   була.

«Татар халык иҗаты. Йола һәм уен җырлары», Казан, Татарстан китап нәшрияты, 1980

СССР Фәннәр академиясенең Казан филиалы Галимҗан Ибраһимов исемендәге Тел, әдәбият һәм тарих институты