 |
| Главная
Ателье Фотографии Подготовка к свадьбе Свадьба в Казани Татарская свадьба - Туй җырлары : - Килен төшерү җырлары Tatar tuyı Татарские сайты Ссылки Мы готовы сшить вам татарское свадебное платье и платье для никаха. Принимаем заказы не только из Казани, но и из других регионов. |
Килен төшерү җырлары, арбаулар Килен, яле, бир сәлам
Киленчәк бу, белегез, Котлап бүләк бирегез, Сезгә сәлам сүзебез. Мәрхәмәте шиксез киң, Гаделлеге тауга тиң,— Аксакалыбыз Каләм 1, Килен, аңа бир сәлам! Монау булыр каенатаң,— Инде хәзер үз атаң. Каты куллы булганда, Кансыз, димә, каенатам, Каенатаңа бир сәлам! Каенанаң уңган битәр, Какмас-сукмас, үз итәр. Какканда да сүз күтәр,— Каенанаңа бир сәлам! Буе озын камыштай, Үзе балкыр кояштай,— Хәсән атлы каенагаң, Каенагаңа бир сәлам! Чәнчеп чапкан колындай, Шыртый колак куяндай,— Каенәнешең Әпсәләм, Әпсәләмгә бир сәлам! 1 Каләм - кеше исеме
I. БДУФФ, 1972, Башкорстанның Туймазы районы Тукмак Каран авылында Кәррам Яушевтан (1899 елда туган) язып алучы Р. Мөхәммәтҗанов. Информатор сүзләренә караганда, бу арбау-теләк җырлары кызны кияү йортына китергәч, аның шәлен салдырганда (бит ачканда) әйтелгән. Бит ачучы хатынның һәр җырыннан соң килен җырда телгә алынган яңа туганнарына баш ияргә, чүгәләп алырга тиеш булган. Шушы арбаудан соң гына ул кияү йортында үз кеше булып санала башлаган.
«Татар халык иҗаты. Йола һәм уен җырлары», Казан, Татарстан китап нәшрияты, 1980 СССР Фәннәр академиясенең Казан филиалы Галимҗан Ибраһимов исемендәге Тел, әдәбият һәм тарих институты
|
