Niqax doğası

Niqax uqır aldınnan başta qızdan sorarğa: Sin fälän qızı fälän! Fälän uğlı fälängä xäläl cefetlekkä riza bulıp bardıñmı?

Yegettän sorarğa: Sin fälän uğlı fälän! Fälän qızı fälänne xäläl cefetlekkä qabul itep aldıñmı?

Monnan soñ oşbu doğa uqılır:

«Bismillähir-raxmänir-raxim.

Älxämdülilläähil-läzii möyässiril ömüüri wä möqaddirişşühüri wä möğayyiril äzminäti wäddöhür. Älläzii nääcää Müüsää mägähüü gälättur. Wä änzälättäwrate wäl İnciilä wäl förqaanä wäzzäbür. Wä äxälännikäxä mäkruunän bişşöhüüdi wäl mühüür. Kämä qaalällaahe söbexänäähü wä tägäälää fii süüratinnur.

Wä änkixäl äyyäämä minköm wässaalixinä min gibäädiköm wä iimäääiköm. İn yäküünüü füqaraaaaä yögnihimullahö min fädlih.

Läqad cäääääl äxbääro gänin näbiyyi sallällaahü gäläyhi wäsälläm. Ännikäxü sönnäti fämän rağibä gän sönnäti fä läysä minnii. Ännikäxü raağibön wäl mänküxäte märgübättön wäl mähro gälää mää täradayä.

Tänääkäxü täwäälädüü, täkääsäru fä innii öbäähii bikü möl ömämä yäwmäl qoyämäh.

Äsbätallaahö fii sodurıyl cäänibäyni xäbbätäl mäxäbbäh.

Wä äqule qawli hääzää wä ästägfirullaahäl ğaffäärali wäläköm wä li sääääiril cämää-gätil mösliminä äcmägin.

Hääzää xökmön min äxkäämil xäkiminä wä rabbil gäläminä wä sönnäten min sönänil änbiägi wäl mörsälin».

Niqaxnıñ mäğnäse:

Zamana wä däwerlärne almaştırıp toruçı, aylarnı täqdir qıluçı, eşlärne ciñel qıluçı Allahqa maqtaw wä şökerlärebez bulsın.

Şundayın ki, Allah ul, Musa ğäläyhis-sälam anıñ belän Tur tawında mönäcät qılıştı häm ul Allah Täwrat, İncil, Zäbur häm Qoränne iñderüçeder häm niqaxnı xäläl qıldı, mähär häm şahitlarnıñ xäzer buluı belän bäyläp. Nitäki Allah täğälä «NUR» süräsendä äytte: «Sez niqaxlandırığız üz qul astığızda bulğan qollarnı häm känizäkläregezne. Gärçä alar fäkir bulsalar da şuşı niqax säbäple Allah alarnı oluğı fazlınnan olı niğmätlär belän niğmätländerer». Täxqıyq, Päyğambärebezdän xäbär kilde (buldı): «Niqax minem sönnätemder. Sönnätemnän baş tartuçı minem ömmätemnän tügel». Niqaxlawçı (ir cenese) eşne başlap quzğatuçı, niqaxlanuçı şul eşne riza bulıp qabul itüçe. Mähär ike arada riza bulışu belän kileşenä.

«Öyläneşegez, balalar tudırığız, kübäyegez, — di Päyğambärebez, — min qıyamät könendä sezneñ küplegegez belän başqa ömmätlär aldında maqtanırmın» (balalarığıznı ütermägez).

Niqax uqığanda 3 märtäbä qabatlanğan: «Äsbätallaahö fii sodurıyl cäänibäyni xäbbätäl mäxäbbäh», digän süzneñ mäğnäse:

«Allah täğälä şuşı ike parğa (cäni bäyni) kükräklärenä ölfät mäxäbbät berketsä (salsa) ide».

Annan soñ oşbu teläkne telärgä:

«Äy, Rabbım! Bu yäşlärgä Adäm ğäläyhis-sälam belän Xäwwa raziallahı gänchömälär mäxäbbäten bir.

Äy, Rabbım! Bu yäşlärgä İbrahim ğäläyhis-sälam belän Sara raziallahı gänchömälär mäxäbbäten bir.

Äy, Rabbım! Bu yäşlärgä Möxämmäd Mostafa sallalahu ğäläyhi-wäsäläm belän Xädiçä raziallahı gänchömälär mäxäbbäten bir.

Äy, Rabbım! Bu yäşlärneñ aralarına ölfät mäxäbbät birep, niqaxları tözek bulsa ide.

Ata-analarına miherban-şäfkätle, täwfıyqlı balalar bulsalar ide. Bolardan tuaçaq balalar da izge balalar bulıp, İslam dinen quätläwçe, üzlärenä doğaçı, bäxetle balalar bulıp, tigezlek, sawlıq, sälamätlek belän üsterergä nasıyp itsäñ ide.

Ämin».

“Tatar möselman qälendare. 1997 yıl”